Kitengo cha Tekinolojia Habari na Mawasiliano kinatoa huduma wezeshi katika matumizi ya Teknolojia ya Kompyuta, Mifumo ya Mawasiliano na masuala yote yanayohusu Habari na Uhusiano ndani na nje ya Halmashauri ya Wilaya ya Mpimbwe.
Kwa kufanya hivyo kitengo kinatoa fursa nyingi kwa Idara na Vitengo vya Halmashauri kufanya majukumu yake vizuri hasa katika masuala yote yanayohitaji matumizi ya mifumo ya mawasiliano ya Kompyuta, Habari na Teknolojia kwa kuwezesha mbinu za kisasa za kufanyaa kazi. Hii hufanyika kwa kuzingatia mahitaji ya watumiaji wa mifumo ya mawasiliano, maoni ya wadau na mahitaji ya taasisi ili kufikia Malengo ya jumla ya Halmashauri.
Tabia mbalimbali za watendakazi katika taasisi hukijengea kitengo hatua za mwanzo katika kubuni mbinu mpya na za kisasa za kufanyia kazi, kila mchakato unaweka mahitaji mbalimbali juu ya msaada wa TEHAMA. Kutokana na hali ya sasa ya uhitaji mkubwa wa matumizi ya tekinolojia, kitengo cha TEHAMA kimekuwa msingi mkubwa wa mafanikio katika taasisi.
Majukumu mengine ya Kitengo cha TEHAMA ni kama ifuatavyo:-
Kusimamia Sera, Sheria, Taratibu na miongozo ya Kitengo inayotolewa na serikali juu ya uendeshaji wa Kitengo cha TEHAMA & Uhusiano
Kuandaa Miongozo na taratibu kwa kuzingatia kwa matumizi salama ya Teknolojia ya Habari na Mawasiliano.
Kuisimamia Tovuti (website) ya Halmashauri ya wilaya ya Mpimbwe inayopatikana popote pale duniani kupitia anwani ya https://www.mpimbwedc.go.tz
Kuhakikisha Halmashauri ya Wilaya ya Mpimbwe inasajili na kutumia barua pepe za serikali (Government Mailing System) kwa ajili ya kutuma na kupokea taarifa za kiserikali , Barua pepe hiyo ni ded@mpimbwedc.go.tz
Kusimamia mawasiliano ya ndani na nje ya ofisi (Internal and External Communication)
Kusimamia Mifumo yote ya Halmashauri,ifuatayo ni mifumo inayosimamiwa
Mfumo wa Hcmis (Lawson)
Mfumo wa Rasilimali Fedha (Epicor)
Mfumo wa Prem
Mfumo wa Bemis
Mfumo wa Mapato ( Lgrcis)
Kusimamia Mashine za kieletroniki zinazokusanya Mapato(Pos Machine)
Kusimamia Matengenezo yote ya vifaa vya Tehama
Kupokea na kutekeleza Mifumo Mipya ya Serikali inayogunduliwa kutokana na mabadiliko ya sayansi na tekinolojia
