ALIYEKUWA MKURUGENZI MTENDAJI HALMASHAURI YA MPIMBWE BI. CATHERINE MASHALLA AKABIDHI RASMI OFISI KWA MKURUGENZI MPYA BI. SHAMIMU MWARIKO BAADA YA KUHAMISHIWA HALMASHAURI YA MANISPAA YA SUMBAWANGA.

Posted on: June 15th, 2023

Makabidhiano hayo yamefanyika  katika ofisi ya Mkurugenzi Mtendaji Halmashauri ya Mpimbwe mbele ya Wakuu wa Idara na Vitengo leo 14 /06 /2023.

Akibidhi ofisi amewashukuru  Viongozi wote Wa Mkoa wa Katavi, Watumishi, na Wananchi  wote wa Halmashauri ya Mpimbwe  kwakutoa ushirikiano mzuri kwa kipindi chote cha miaka 3 aliyokuwepo  katika  Halmashauri hii ya Mpimbwe.

Pia amemshukuru Rais wa Jamhuri ya Muungano wa Tanzania Dkt Samia Suluhu Hassan kwa kuendelee kumuamini kufanyakazi ya kuwatumikia wananchi katika Halmashauri ya Manispaa ya Sumbawanga ambapo atakuwepo kuanzia hivi sasa.

Aidha amemkabidhi Bi. Shamimu Mwariko  miongozo mbalimbali ya Halmashauri, Ilani ya Chama cha Mapinduzi CCM ,Watumishi wote,  Wananchi wote , Madiwani ,Tarafa Mbili ya Mpimbwe, na Mamba, Mbunge Mmoja, Kata , vijiji , vitongoji  na Taasisi zote.

Akipokea ofisi Bi . Shamimu Mwariko amesema anamshukuru Rais wa Jamhuri ya Muungano wa Tanzania kwa Kumleta katika Mkoa wa Katavi na Halmashauri ya Mpimbwe ilikuweza kuendelea kuwatumikia Wananchi wa Tanzania.

Mwariko amesema ushirikiano  Kujitoa nakufanya kazi kwa moyo hii itasaidia katika kuendeleza Taifa letu.

Imetolewa na

Kitengo cha Mawasiliano Serikalini

Halmashauri ya Mpimbwe.