DC SANGA AMEKEMEA TABIA YA WAKULIMA KUTOWEKA AKIBA YA CHAKULA .

Posted on: November 8th, 2022

Akizungumza na Wananchi  wakati wa uzinduzi wa msimu  wa kilimo  2022/2023 uliofanyika kata ya Usevya Halmashuri ya Wilaya ya Mpimbwe Mkoa wa Katavi, Mkuu wa Wilaya ya Mlele  amekemea swala la wakulima kutoweka akiba ya chakula kwa kuuza mazao yote.

Mhe. Filbarto Sanga amesema kila Mkulima anapaswa kuweka akiba ya mazao yake yatakayo  muwezesha  kumfikisha katika msimu mwingine wa kilimo ilikuweza kuepukana na maswala ya njaa katika  familia  , kutokana na  kuwepo kwa mabadiliko ya tabia nchi  yanayoweza kusababisha  mvua kuwa chache , na kutopata mazao kwa wingi  .

Amesema baadhi ya wakulima wamekuwa wakipata tamaa ya kuuza  mazao yao yote waliolima  na kuanza kulalamika njaa na kuhitaji serikali iwape  msaada swala ambalo kwa Halmashauri ya Wilaya ya Mpimbwe halitakiwi kusikika kwa kuwa Ardhi ya Mpimbwe ina rutuba na inafaa kwa kilimo.

“Niaibu kwetu kusikia familia inasema sisi tunanjaa wakati tunajua mwenye familia ile nimkulima alilima na chakula kilikuwepo kwenye hilo ajiandae kupelekwa mahakamani , haiwezekani umeshindwa kusimamia familia yakwako wewe mwenyewe shamba unalo umelima umevuna , umeingia tamaa ya kuuza  bila utaratibu nabado wataka Sereikali ikusaidie haiwezekani” alisema

Mhe.Sanga  amewashauri wakulima kutumia mbegu za kisasa ambazo zitachukua muda mfupi shambani  na zitakazoweza kutoa mavuno mengi Zaidi.

Aidha amesema  swala la wakulima kulima na kukata Miti katika maeneo ya vyanzo vya maji vimekuwa vikwazo vikubwa ambavyo vinasababisha kukosekana kwa maji katika meneo mbali mbali .

Awali akizungumza  Mkurungenzi Mtendaji Halmashauri ya Mpimbwe Bi. Catherine Mashalla amesema  Halmashauri hiyo ni Halmashauri amabayo inategemea mapato kutokana na uzalishaji katika kilimo hivyo amewataka wananchi  kulima mazao ambayo yatawaletea tija   Zaidi katika familia na katika Serikali .

Mwisho.

Imetolewena;

Kitengo cha mawasiliano Serikalini.

Halmashauri ya Wilaya ya Mpimbwe.