Halmashuri ya Wilaya ya Mpimbwe yaibuka kinara kwa kukamilisha Ujenzi wa Vyumba vya Madarasa

Posted on: December 10th, 2021

Na  Odetha  salum.

Halmashauri ya wilaya ya Mpimbwe yaibuka kinara baada yakuchukua nafasi ya Kwanza kumaliza Ujenzi Wa Madarasa yatokanayo na Fedha zilizotolewa na Rais wa Jamhuri ya Muungano waTanzania Mh.Samia Suluhu Hassan.

Kati ya Halmashari Tano ambazo ni Halmshauri ya Nsimbo,  Halmashauri ya Mlele, Halmashauri ya Tanganyika, Halmashauri ya Manispaa ya Mpanda, na Halmashauri ya Mpimbwe, ambazo  zilitakiwa kufikia tarehe 9 Disemba 2021 ziwe zimekamilsha Vyumba vya Madarasa kutokana na taratibu zilizopangwa kimkoa.

Akizungumza mgeni rasmi katika makabidhiano ya Miradi ya Ujenzi wa Madarasa,Mkuu wa Mkoa  wa Katavi Mh.Mwanamvua Mrindoko  amesema Kimkoa ilipangwa kufikia tarehe 9  Disemba 2021 madarasa    yote yawe yamekamilika lakini mpaka sasa Halmashauri ya Mpimbwe ndiyo Pekee iliyoweza kukamilisha Kwa wakati jambo linaloonesha ushikamano na hali yali yauchapaji kazi katika Halmashauri ya Mpimbwe 

Aidha amezitaka Halmashauri zote kufika tarehe 15 Disemba 2021 ziwezimekamilisha Ujenzi wa Madarasa pamoja na Madawati na viti na meza ilikuweza kukabidhi Kitaifa.

Sanjari na hayo amewataka wananchi wote kulima Mazao yanayo stahimili ukame na kutumia Mbegu zinazo komaa mapema kutokana na Mkoa Wetu kupata Mvua za wastani na zilizo chini ya wastani.