SHULE BORA YATOA MAFUNZO YA (UWaWa) Ushirikiano wa wazazi na Walimu

Posted on: February 28th, 2023

Wataalam wa elimu  ngazi ya Halmashauri ya Wilaya ya Mpimbwe Mkoa wa katavi wapatiwa mafunzo ya siku tatu  ambayo yalianza Tarehe Februari 27, 2023 hadi Machi 01  katika ukumbi wa Shule ya msingi Majimoto

Mafunzo hayo yaliyohudhuriwa na washiriki 101 wakiwa ni  Waratibu elimu kata , walimu wakuu wa shule za msingi 46, pamoja na  wenyeviti wa kamati za shule .

Akifungua Mafunzo hayo Mratibu wa Shule Bora  ngazi ya Halmashauri Bi Habiba Ngigwa amewataka washiriki kuendelea kuzingatia mafunzo wanayopewa kwa lengo la kuendelea kukuza elimu kwa kushirikiana na wazazi /jamii na walimu

Aidha amesema Ushirikiano wa Wazazi na Walimu (UWaWa )wanao wajibu wa kuhudhuria vikao shuleni,  kusimamia usomaji wa wanafunzi nyumbani, kuibua na kuendeleza vipaji vya watoto,  kuhamasisha uandikishaji wa watoto shuleni, mahudhurio pamoja na Mvuko wa wanafunzi kwenda sekondari, kuboresha miundombinu ya shule na kuimarisha mazingira salama na rafiki ya ujifunzaji ili kuchochea maendeleo ya taaluma shuleni

Pia amesema Mradi huu utasaidia kamati za shule  katika maendeleo ya shule , kusimamia ustawi, kutatua changamoto za watoto wenye uhitaji Maalum pia kushushughulikia maswala ya ukatili .

Mafunzo hayo yameandaliwa na Mradi wa Shule Bora unaofadhiriwa na   Serikali ya Uingereza  kupitia mfuko wa UK aid kwa lengo la kuwajengea uwezo washiriki kwa ajili ya kuimarisha shughuli za UWaWa

Mwisho

Imetolewa na

Kitengo cha Mawasiliano Serikalini

Halmashauri ya Mpimbwe.