Tathimini ya Ujenzi wa Madarasa katika Mpango wa Maendeleo kwa Ustawi wa Taifa na mapambano dhidi Uviko 19 katika Halimashauri ya Wilaya ya Mpimbwe

Posted on: December 7th, 2021

 Halmashauri ya Mpimbwe tuna hatua nzuri ya ujenzi wa madarasa yatokanayo na fedha za uviko 19 zilizotolewa na Rais wa Jamhuri ya Muungano wa Tanzania Mh.Samia Suluhu Hassani .

Kauli hiyo imetolewa na timu za usimamizi na ufuatiliaji   wa miradi  wakati wa kikao cha  kutoa tathimini ya hatua ya ujenzi wa madarasa  yanayo jengwa kwa fedha za  uviko 19 mbele ya mkuu wa wilaya ya Mlele  Mh.Filberto Sanga   

Baada ya kusoma maendeleo ya miradi kwa kila shule  na kuonekana kufikia hatua nzuri wamesema juhudi pamoja na ushirikiano ndio chachu ya matokeo mazuri yanyoonekana kabla ya Tarehe  inayo tarajiwa kuzinduliwa kwa majengo hayo kitaifa .

Kikao hicho kilicho wajumuisha  madiwani walimu pamoja na wakuu wa idara  mbalimbali kimeonyesha  hali ya mwamko  wakufanya kazi kwa bidii ukilinganisha na kipindi chanyuma  ambapo mradi uliweza kuchukua mda mrefu bila kumalizika .

Akisoma taarifa  kwa niamba ya mkurungenzi  mtendaji,  Mkuu wa idara ya mipango  Anthony Danieli Kapula  amesema Halmashauri ya Wilaya ya Mpimbwe ilipokea fedha kwa ajili ya utekelezaji wa ujenzi wa vyumba 18 vya madarasa kwenye Shule Shikizi Msingi pamoja na sekondari ujenzi   wa vyumba 31.

Baada ya mapokezi hayo Halmashauri iliweka mikakati mbalimbali ya kutekelza miradi ikiwa ni pamoja kuandaa mpango kazi, kuunda timu za usimamizi na ufuatiliaji na kusimamia zoezi la upatikanaji wa mafundi. Aidha, suala la manunuzi ya vifaa vya ujenzi pia liliweza kuratibiwa ili kupata vifaa pamoja kwa nia ya kufikia malengo kwa pamoja na kwa wakati.

 Aidha fedha zilizopokelewa hadi sasa kwa ajili ya utekelezaji wa miradi hii ni Tsh. 1,376,514,747.00

Naye Mkuu wa wilaya ya Mlele Mh. Filberto Sanga   amesema amefurahishwa na hatua inayo endelea katika ujenzi kwani ujenzi umeendelea kwa kasi ya juu hali inayo tia moyo katika utendaji kazi .

Aidha amewataka  timu za usimamizi kuhakikisha kunaandaliwa taarifa ya ununzi wa vifaa na pamoja na gharama zote zilizo tumika kutambulika ilikuweza kujua kiasi kilicho tumika na kilicho bakia kwa kila jengo .