UTEKELEZAJI WA MRADI WA BOOST.

Posted on: April 18th, 2023

Halmashauri ya Wilaya ya Mpimbwe imepokea  Tsh. 1, 690,600,000.kupitia Mradi wa Boost kwa ajili ya Ujenzi wa Miundombinu   mbalimbali Mradi huu utatekelezwa  katika shule za Msingi,  ujenzi wa vyumba vya Madarasa, Matundu ya Vyoo pamoja na  shule mpya.

Halmashauri inatekeleza Ujenzi wa shule Mbili za msingi  Mpya  ambazo ni Kakuni na Maimba   zitakazo gharimu Jumla ya Tsh 922,600,000.00 , Ujenzi wa Vyumba vya Madarasa 25 katika shule Saba za  Bula 4, Kilida 4 , Makuyugu 3 , Mirumba 4 , Mkuyuni 4 , Nyambwe  4 na Migunga 2 yenye jumla ya Tsh 650,000,000.

Aidha Halmashauri inatekeleza Mradi wa ujenzi wa Matundu ya Vyoo 21 katika shule hizi ambapo ujenzi huo utagharim jumla yaTsh 46, 200,000 pia ujenzi wa Madarasa ya awali 2 katika shule ya msingi Ikuba yenye jumla ya 71,800,000.

Mradi huu unatekelezwa katika kata 6 ambazo ni kibaoni, Usevya Ikuba Majimoto Chamalendi na Mamba ambapo mpaka kufikia Tarehe  30 Jun mwaka huu Miradi yote itakuwa imekamilika .

Mwisho
Imetolewa na
Kitengo cha Mawasiliano Serikalini
Halmashauri ya Mpimbwe.