Wajumbe wa kamati ya siasa Mkoa wa katavi wametembelea Miradi miwili katika Halmashauri ya Wilaya ya Mpimbwe

Posted on: March 19th, 2022

Wajumbe wa kamati ya siasa Mkoa wa Katavi wakiongozwa na  mjumbe wa kamati kuu CCM Taifa Ndugu Girbat Sampa  wamefanya ukaguzi wa miradi ikiwa ni utekelezaji wa ilani ya Chama Cha Mapinduzi CCM 2020-2025 katika Halmashauri ya Wilaya ya Mpimbwe

Wakiwa katika Ziara hiyo katika Halmashauri ya Wilaya ya  Mpimbwe  wamekagua  vyumba  vitatu vya madarasa  shule ya sekondari Usevya vilivyo jengwa kwa fedha za uviko 19 , Mabweni ya Wanafunzi  shule ya  Sekondari Usevya na  kituo cha Afya Kibaoni   .

Aidha Mjumbe wa kamati kuu Taifa Girbat Sampa amepongeza usimamizi wa miradi hii kwakuwa miradi imesimamiwa kikamilifu na kusisitiza  kuzidi kusimamia kwa ukamilifu mradi wa ujenzi Kituo cha Afya cha kata ya Kibaoni na kuhakikisha kinakamilika pasipokuwa na mapungufu kwakuwa mpaka sasa hakuna makosa yoyote.    .

Aidha Sampa amempongeza Rais wa Jamhuri ya Muungano wa Tanzania  Mh. Samia  Suluhu Hassan kwa mambo mengi aliyoyafanya ndani ya mwaka mmoja  ikiwa nipamoja na kuibua miradi mbalimbali ambayo inaonekana na kuleta tija kwa wananchi.

Nao wanachi katika kata ya kibaoni wameshukuru kupata kituo cha Afya kutokana na namna walivyokuwa wakipitia changamoto za huduma Ya Afya, ukosefu huo wa Kituo cha Afya ulikuwa ukisababisha wanawake wengi kuhangaika wakati wakujifungua.

Na Odetha Salumu