WAZAZI WATAKIWA KUWAPELEKA WATOTO SHULE.

Posted on: January 11th, 2024

Mkuu wa Mkoa wa Katavi Mhe.Mwanamvua Mrindoko amefanya Ziara  ya kukagua na kutembelea miradi ya Maendeleo katika shule ya Msingi  Kakuni, Kibaoni, Kavuu, na shule ya Sekondari  Ikuba pamoja na kuona ukamilishaji wa Daraja la Msadya katika Wilaya ya Mlele  Halmashauri ya Mpimbwe Mkoa wa Katavi.

Katika ziara hiyo mhe. Mrindoko amewataka wazazi na walezi kuwapeleka watoto kuripoti  shule katika shule za msingi  kwa wanaoanza darasa la awali na Sekondari kwa  kidato cha kwanza ili waweze kuanza masomo kwa wakati

Aidha amewataka walimu , wazazi, na wanafunzi kuendelea kutunza madarasa ambayo yanajengwa na Serikali ili yasiweze kuharibika haraka.

Pia amewapongeza wananchi kwa kuendelea  kutoa maeneo ambayo miradi ya maendeleo inajengwa katika maeneo yao hali inayo onesha muitikio mkubwa kwa wananchi kuunga mkono jitihada za Serikali katika kuleta maendeleo kwa wananchi.

Kwa upande wake Clesensia Joseph ambaye ni kaimu RASI katika mkoa wa katavi amewataka wazazi na walezi kuepuka mila potofu ambazo zina mkosesha mtoto kupata haki yake ya elimu ikiwemo za ndoa za utotoni maarufu Chagulaga.