Kutoa huduma bora za ugani kwa wananchi ili walime kilimo cha kisasa na chenye kuongeza tija kwa lengo la kuinua hali ya kiuchumi ya wakulima wa Wilayani Mlele.
Kipaumbele cha Idara:
Kuongeza uzalishaji wa mazao ambayo yalikuwa hayapewi kipaumbele kama Alizeti, Mtama, Mihogo, Viazi, Mbogamboga na Matunda pamoja na kuongeza tija ya uzalishaji wa mazao ya chakula kama mahindi na mpunga na tumbaku ambalo ni zao kuu la biashara.
Malengo
Kutoa huduma bora za ugani kupitia mashamba darasa na mashamba ya mfano kwa kila kijiji chenye mtaalamu
Kuondoa tatizo la ukosefu wa lishe bora kwa wananchi wa Mlele kwa kutoa elimu juu ya lishe bora, kuhamasisha ulimaji na utumiaji wa viazi lishe na mchicha-unga.
Kuondokana na tatizo la njaa kwenye maeneo ya Halmashauri kwa kuhakikisha kila mkulima anakuwa na ekari moja (2) ya zao la chakula lililolimwa kisasa,pamoja na kutoa elimu juu ya uhifadhi wa chakula kwa njia za kisasa.
Utekelezaji wa malengo ya kiidara
Kazi zifuatazo zimefanyika katika kutekeleza malengo ya kiidara kuanzia Julai hadi Septemba 2016.
Kupeleka washiriki 46 kwenye maonyesho ya nane nane kanda katika jiji la Mbeya, kwa mwaka 2016. Katika mwaka wa 2017, Halmashauri imepanga kupeleka wakulima 35 na wataalamu kutoka maeneo ya kutolea huduma za ugani kwa killa kata.
