BARAZA LA MAALUM LA KUJADILI HOJA ZA MKAGUZI KATIKA HALMASHAURI YA MPIMBWE

Posted on: June 29th, 2022

Kupitia Baraza maalum la Hoja za Mkanguzi  na  Mthibiti   wa  hesabu  za Serikali CAG Mwakilishi  wa Mkuu wa Mkoa wa Katavi BI. Jamilla Yusuph ameipongeza Halmashauri ya Wilaya Mpimbwe kwa kupata Hati safi  kwa kipindi cha mwaka 2020/2021

 Katika Baraza hilo Bi. Jamilla Yusuph  amesema  katika hoja hizo zilizofanyiwa ukaguzi na CAG   kati ya  hoja 60  ni hoja 28 tu ndiyo zilizopatiwa majibu ya kuridhisha  na kufungwa na hivyo Hoja 32 sawa na asilimia 53 zimeendelea  kusalia zikiwa katika hatua  mbalalimbali za utekelezaji.

 Bi. Jamilla ameitaka Halmashauri kuwachukulia hatua wale wote wanaosababisha kuendelea kuwepo kwa hoja kwa uzembe  ikiwa hoja hizo zilikuwa ndani ya uwezo wao ili  zisijirudie tena .

Pia amewataka Takukuru kufanya uchunguzi wa  kiasi cha 137,858,361.60 ambazo ni nyongeza  ya kazi  katika mkataba  wa ujenzi  wa jengo la utawala bila ya mwajiri kujua kazi zilizoongezeka

Aidha amemtaka Mkuu wa Wilaya ya Mlele Mh.  Filbato Sanga  kuhakikisha anasimamia Fedha zinazotolewa na Halmashauri  kwa vijana , wanawake na watu  wenye Ulemavu  na Saccos kuhakikisha zinarejeshwa ili kuweza kusaidia na watu wengine .