HALMASHAURI YA MPIMBWE KUENDELEA NA ZOEZI LA UWEKAJI VIBAO VYA NYUMBA NA MITAA

Posted on: April 18th, 2022

Mkuu wa Wilaya ya Mlele Mkoani katavi  Filbarto Sanga  amewangoza  watumishi wa  Serikali za mitaa na  viongozi wa Dini  wa Halmashauri ya  Wilaya ya Mpimbwe katika zoezi la  uzinduzi  wa kuweka  vibao  vya Barabarani  katika Tarafa ya Mamba na Tarafa ya Mpimbwe.

 Katika uzinduzi  huo, Sanga  amewataka  wananchi  kuhakikisha  wanatoa  ushirikiano  katika  zoezi hilo ilikulifanikisha kama ilivyo pangwa.

Aidha amewataka  wananchi kuendelea na  kuweka vibao  katika nyumba zao  ilikuweza  kurahisisha  utoaji wa huduma  ikiwa ni  sambamba  na kuendelea  kulinda  miundombinu  ya vibao vinavyo wekwa katika barabara na mitaa.

Halmashauri ya mpimbwe imepokea  Tsh milioni 70,767,291.69 kutoka serikali kuu kwa ajili ya kukamilisha zoezi hili .

Katika hatua nyingine, katika kikao na watumishi  hao wa Halmashauri  ya Wilaya ya Mpimbwe  DC Sanga  amewataka watumishi  kuhakikisha  wanasimamia  zoezi la Chanjo ya  polio  ilikila mtoto  mwenye umri chini ya miaka mitano  wahakikishe  anapata chanjo hiyo .

Hata hivyo   amewataka  wananchi  kutoa  ushirikiano  kwa watoa   huduma  watakao wakipita  kutoa chanjo  ilikuweza kufanikisha zoezi   pasipo na usumbufu  kwani kuto kufanya hivyo  hatua kali za kisheria  zitachukuliwa .

 Na Odetha salum