KAMATI YA SIASA YA CHAMA CHA MAPINDUZI WILAYA YA MLELE IMEFANYA ZIARA YA UKAGUZI WA MIRADI YA MAENDELEO KATIKA HALMASHAURI YA MPIMBWE

Posted on: June 14th, 2023

Wakiwa katika ziara hiyo katika Halmashauri ya Wilaya ya Mpimbwe Wamekagua Miradi ya  Ujenzi wa vyumba vya Madarasa  Kupitia Mradi wa Boost  yanayo endelea kujengwa katika shule za Bula , Makuyugu, Kilida ,Mirumba, Mkuyuni,Nyambwe, Ikuba, Kibaoni, Maimba, na Migunga Yenye Thamani ya Tsh 1,690,600,000.00.

Mwenyekiti wa Kamati ya Siasa Chama cha  Mapinduzi Wilaya ya Mlele Mhe. Wolfugani Mizengopinda amewataka  wasimamizi wa Miradi kusimamia kiukamilifu na kuzingatia Ubora wa viwango vya ujenzi vilivyo wekwa  ili kuepuka kujenga Miradi isiyo na kiwango  kinacho stahili ili kuweza kusaidia Miradi hiyo kukamilia kwa wakati na kusaidia kupunguza Msongamano wa  wawanafunzi Darasani.

Joshua Mbwana ni Katibu wa CCM Wilaya ya Mlele  Amemshukuru  Dkt Samia Suluhu Hassan Rais wa Jamhuri ya Muungano wa Tanzania kwa kujenga Miradi ya Maendeleo katika Jimbo la Katavi na Kavuu na kuendelea kuwajali watanzaia wote  

Aidha Mbwana amesema wameridhishwa na ujenzi wa Miradi yote inayotekelezwa kwani inakwenda kwa kasi na kwa kuzingatia ubora.

Awali walitembelea  Mradi wa Daraja la Mwamapuli ambalo nikiunganishi kikubwa kwa  wanachi ambalo lilisababisha kuzorota kwa usafirishaji wa mazao

Pia walitembelea Shule ya Sekondari Mwamapuli kuangalia  namna ambavyo Serikali  inaendelea kutekeleza Miradi katika sehemu ambazo hazikuwa na  shule.