KIKAO CHA MAJUMUISHO YA ZIARA YA MH. MKUU WA WILAYA KWA NJIA YA MJADALA

Posted on: October 23rd, 2023

Kufatia ziara ya Mkuu wa Wilaya  ya Mlele  Mhe. Majid Mwanga  iliyo fanyika takribani wiki tatu kwa kutembelea na kukamilisha kata 9 ambazo ni  Kibaoni, Usevya, Ikuba, Mwamapuli, Chamalendi, Mbende, Majimoto , Mamba, na Kasansa na kukamilisha  vijiji vyote 31  vya Halmashauri ya Wilaya ya Mpimbwe.

Kutokana na Ziara hiyo iliyoibua changamoto  mbalimbali zinazo wakabili wananchi ikiwemo suala la Chagulaga, matumizi mabaya ya Sungusungu,  kutokusoma Mapato na matumizi kwa wananchi, upatikanaji wa Maji na  Barabara kwa baadhi ya vijiji, na pamoja na migogoro ya Ardhi.

Mhe . Mkuu wa Wilaya amefanya Majumuisho ya Pamoja kwa njia ya Mjadala na watendaji wote wakiwemo Jeshi la polisi , Tarura, Ruwasa,  Tanesco,  Baraza la  Ardhi, Watendaji wa Kata na Vijiji pamoja na  Idara ya Elimu ngazi ya Kata na timu ya menejiment ya Halmashauri kwa kila mmoja kukumbushwa majukumu, vipaumbele ,  anayofanya katika eneo lake, na namna alivyo weza kushughulikia Kero zilizoibuliwqi wakati wa ziara.

Wakiwa katika Majumuisho hayo kila mmoja ameeleza namna ambavyo hutekeleza Majukumu yake.

Mkuu wa Wilaya amewataka  kuendelea kufanya kazi kwa bidii, uaminifu na ubunifu ili kuweza kuwapa huduma Bora wananchi  pia amewataka kufanya kazi kwa kutenda haki kwa Mtu yeyote unayemhudumia ilikuweza  kuendela kutumikia Taifa kwa  kikamilifu.

Baada ya kufanya mjadala huo viongozi hao wameshukuru kwa mjadala huo uliowafanya kila mmoja kujua na kukumbushwa namna gani anapaswa kufanya kazi na kutamani kuwa mijadala hiyo isiishie hapo badala yake iendelee.

Mjadala huo ulio ongozwa na  Mkurugenzi mtendaji wa Halmashauri ya  Mpimbwe Bi. Shamim Mwariko kwa kuwa na mjadala mzuri kuanzia mwanzo hadi mwisho.