MKOPO WA 10% YA MAPATO YA NDANI YA HALMASHAURI YA MPIMBWE UMELETA NEEMA KWA WANAKIKUNDI CHA NGUVU YA KAZI IKUBA

Posted on: September 20th, 2022

Halmashauri ya Wilaya ya Mpimbwe inatekeleza utoaji wa  mikopo kwa  makundi ya vijana, wanawake na watu wenye ulemavu ikwa ni dhamira ya serikali kuhakikisha kila Halmashauri inatoa mkopo wa 10% ya  mapato yake ya ndani

Wanakikundi wa kikundi cha  Nguvu ya Kazi katika kata ya Ikuba Halmashauri ya Wilaya ya Mpimbwe walipokea Mkopo wa Tsh Million 15  kutoka katika Halmashauri ya Wilaya ya Mpimbwe ambao umewawezesha  kununua mashine ya kukoboa na kusanga Mahindi , kununua kiwanja kwa ajili ya ujenzi wa kituo chao cha kufanyia kazi   na kuingiza umeme kwa ajili ya kuanza kusaga Nafaka .

Wakiwa katika uzinduzi huo wamesema wameishukuru Serikali kwa kuweza kuwainua vijana kwa kuwapa mkopo utakao wasaidia wao kujiajiri , wamesema mashine hiyo itasaidia kujiingizia kipato  na kurahisisha huduma ya kusaga na kukoboa inapatikana kwa urahisi katika Kata ya Ikuba.

Godfrid Nkuba  ni Mkuu wa Idara ya Maendeleo ya Jamii katika  Halmashauri ya Wilaya ya Mpimbwe akiwa ndiye Mgeni rasmi katika sherehe hiyo ya uzinduzi wa  Mashine amesema Vijana wanapaswa kuiga mfano kwa Vijana wenzao  nasiyo kuoneana wivu usio wa kimaendeleo amesema kikundi hiki wanapaswa kutumia vizuri kifaa hiki  ili kuweza kupata manufaa makubwa kupitia mashine  hii .

 Pia amewaasa kuwa waangalifu wakati wanapokuwa wakitumia ili kisiweze kuharibika na kuwaletea matunda waliyokuwa wametegemea.