UZINDUZI WAUGAWAJI WA VITABU VYA MIONGOZO KWA WADAU WA ELIMU

Posted on: September 12th, 2022

Mkuu wa Wilaya  ya  Mlele Mh. Filbato Sanga  amegawa vitabu  kwa wadau wa Elimu   na kutoa maelekezo  kwa wadau    katika Halmashauri  ya Wilaya ya Mpimbwe Mkoani Katavi.

Akiwa katika ukumbi wa Shule ya Sekondari Usevya  amesema  vitabu hivyo vya aina tatu vitasaidia katika  kuboresha elimu  nakuweka misingi bora ya kuimarisha kiwango cha elimu katika nchi  ,vitabu hivyo ambavyo  ni Mwongozo wa  uteuzi Viongozi  Elimu katika Mamlaka za Serikali za Mitaa na Mikao ,Mkakati wa kuimarisha  Ufundishaji  na  ujifunzaji ngazi ya Elimumsingi, na Changamoto katika uboreshaji Elimu  Msingi na Sekondari(Nini kifanyike)

Amesama awali hapakuwa na mwongozo wa namna ya kuwateua walimu Wakuu wa shule  hali iliyokuwa ikipelekea kuwepo kwa  changamoto za namna wanavyo weza kuongoza  ikiwa walimu wakuu walikuwa wakiteuliwa pasipo kuwa na utaratibu wowote

Mh.Mkuu wa Wilaya amesema kupita miongozo hiyo  itasaidia mamlaka zinazohusika katika kuteua walimu wakuu wa shule kusimamia miongozo ambayo itaonesha sifa za kiongozi husika anayestahili kuongoza katika shule husika kwa shule ya msingi na sekondari, .

Naye Mkurugenzi Mtendaji wa Halmashauri ya Wilaya ya Mpimbwe Bi. Catherine Mashalla amesema Watoto wetu watapata Elimu inayohitajika hivyo niwajibu wakila  mdau kusimamia miongozo hiyo ambayo imetolewa na serikali .

 Baadhi ya wadau wa elimu  katika Halmashauri ya Mpimbwe wameishukuru serikali kwa kutoa miongozo itakayosaidia kuteu  viongozi mbalimbali  pia miongozo hiyo itasaidia kuongeza ufaulu kwa wanafunzi  kutokana na walimu kufundisha kwa kufuata miongozo jambo litakalo epusha  baadhi ya shule kufaulu  na Shule nyingine kufeli.