WAZIRI MKUU MHE. KASSIM MAJALIWA ALIZISHWA NA UJENZI WA KITUO CHA AFYA NA VYUMBA 13 VYA MADARASA.

Posted on: December 14th, 2022

Waziri  Mkuu wa Jamhuri ya  Muungano wa  Tanzania  Mhe. Kassimu Majaliwa amefanya ukaguzi  wa  kituo cha Afya na Ujenzi  wa Vyumba vya Madarasa 13  katika shule ya Sekondari  Majimoto  Vilivyopo  Halmashauri  ya Wilaya ya Mpimbwe  Mkoa wa Katavi.

Akiwa katika Halmashauri ya Wilaya ya Mpimbwe Amesema Serikali ya Awamu ya sita  inalenga kuwatumikia wananchi  inaleta fedha kwa ajili ya  miradi ya maendeleo ya wananchi  hivyo haitavumilia kuona  Watumishi wakileta uzembe katika  kusimamia  miradi inayoendelea kwa ukamilifu  au kula fedha ambazo zinatolewa  kwa ajili ya  maendeleo.

Mhe. Kassim Majaliwa Waziri Mkuu  wa Jamhuri ya Muungano wa Tanzania amesema kuwa Watumishi wawe na utaratibu wa kutembelea wananchi katika vijiji ikiwa katika siku sita za Juma  sikutatu ziwe za kutembelea Wananchi.

 Waziri Mkuu amefurahishwa na kasi na usimmizi mzuri wa  ujenzi wa Mradi wa kituo cha Afya  Ikulwe na Ujenzi wa Vyumba vya madarasa 13  shule ya sekondari Majimoto ambao unaendelea  katika Halmashauri ya Wilaya ya Mpimbwe.

Aidha amemuagiza Mkurungenzi  Mtendaji kuhakikisha vifaa vinakamilika katika kituo cha Afya  cha Ikulwe ili kituo hicho kianze kufanya kazi tarehe 27 /12/2022 ili wananchi waweze kupata huduma  kutokana  na kuikosa kwa muda mrefu .

Awali akisoma Taarifa ya kituo cha Afya Ikulwe Mkurungenzi Mtendaji Bi. Catherine Mashalla amesema kituo hiki cha Afya kitaweza kuhudumia idadi kubwa ya wananchi   katika Kata ya Majimoto na vitongoji vyake  ambapo itasaidia kupunguza    idadi ya msongamano wa wagonjwa katika zahanati na vifo vya wakina mama wajawazito .

Pia amesema ujenzi huu wa kituo cha Afya Ikulwe   kwa mujibu wa mkataba unatarajiwa kukamilika  ifikapo 20/2/2023 ikiwa umekamilisha Ujenzi wa  jengo la wangonjwa wanje, Ujenzi wa jengo la mama na mtoto, Ujenzi wajengo  la upasuaji, ujenzi wa jengo la maabala ,ujenzi  jengo la kufulia na vyoo vya nje 7 ambapo ujenzi huu utagalimu fedha kiasi cha shilingi Milioni 423,890,000.