ZIARA YA KAMATI YA FEDHA, UONGOZI NA MIPANGO KATIKA UKAGUZI WA MIRADI YA MAENDELEO KATIKA KATA YA IKUBA NA CHAMALENDI

Posted on: October 19th, 2023

Kamati hii ikiongozwa na Mwenyekiti wa Halmashauri ya Mpimbwe  imekagua  , Ukamilishaji wa ofisi ya Mtendaji wa kata Ikuba ,  Ujenzi wa shule  Mpya  ya Sekondari  Ikuba na Ujenzi wa Maabara  Shule ya Sekondari Chamalendi.

Akizungumza  Mwenyekiti wa Halmashauri ya Wilaya ya Mpimbwe  Mhe. Silas Ilumba amepongeza kwa ukamilishaji wa jengo la Ofisi ya  Mtendaji wa Kata kwani kukamilika kwa jengo hilo kutarahisisha utoaji wa huduma kwa wananchi.

Mwenyekiti pamoja wanakamati wameshauri  kupanda miti katika eneo la ofisi kwa kuwa upandaji wa miti unafaida nyingi ikiwa ni pamoja na kukabiliana na mabadiliko ya tabianchi.

Halmashauri ya Wilaya ya Mpimbwe ilitoa fedha kiasi cha Tsh 9,600,000 kwa ajili ya ujenzi huo ambapo Ujenzi  umetumia kiasi cha Tsh. 9,336,950 mpaka kukamilika.

Katika ziara hiyo wamepongeza juu ya ujenzi wa Shule ya mpya ya Sekondari Ikuba ambayo ujenzi wake una kwenda kwa kasi na wakuvutia zaidi kutokana  usimamizi mzuri uliopo.

Kamati hii imeridhika  na ujenzi huo  wa shule mpya  ambapo  Serikali ilitoa fedha kiasi cha Tsh. 603,890,562  kwa ajili ya kuwapunguzia wanafunzi kuweza kuepuka kutembea umbali mrefu .

Aidha wametembelea Maabara tatu za  shule ya  Sekondari  Chamalendi  ambapo wamemwagiza mkaguzi wandani  kufatilia ilikuweza kujiridhisha  na matumizi ya fedha ambayo yametumika kwani maabara  hizo  hazijajengwa kwa viwango vinavyo takiwa.